అక్షర న్యూస్ : మున్సిపల్ ఎన్నికలు -2026 సందర్భంగా, ఎన్నికల ప్రవర్తనా నియమావళిని కచ్చితంగా అమలు చేయుటకు మరియు ఎన్నికల ప్రక్రియను ప్రశాంతంగా, నిష్పక్షపాతంగా నిర్వహించుటకు ముఖ్య సూచనలు.
ఎన్నికల ప్రచారంలో భాగంగా ఏదైనా ర్యాలీ లేదా బహిరంగ సభ నిర్వహించాలంటే తప్పనిసరిగా సంబంధిత అసిస్టెంట్ కమిషనర్ ఆఫ్ పోలీస్ నుండి ముందస్తు అనుమతి తీసుకోవాలి.
ప్రచారానికి ఉపయోగించే వాహనాలకు అనుమతి కొరకు సంబంధిత అసిస్టెంట్ కమిషనర్ ఆఫ్ పోలీస్ గారికి దరఖాస్తు సమర్పించి, తప్పనిసరిగా అనుమతి పొందవలెను. ముందస్తు అనుమతి లేకుండా ఎవరైనా ర్యాలీలు లేదా సమావేశాలు నిర్వహించినట్లయితే, అట్టి వారిపై ఎన్నికల నిబంధనల ప్రకారం చట్టపరమైన కఠిన చర్యలు తీసుకోబడతాయి.
ఈ చర్యలు ఎన్నికల ప్రక్రియ యొక్క పవిత్రతను కాపాడటానికి మరియు స్వేచ్ఛాయుత వాతావరణంలో ఎన్నికలు జరిగేలా చూడటానికి ఉద్దేశించబడినవి. పోటీ చేయు అభ్యర్థులు మరియు వారి మద్దతుదారులు ఎన్నికల నియమాలను మరియు చట్టాలను గౌరవించి, ప్రశాంత వాతావరణంలో ఎన్నికలు జరిగేందుకు సహకరించాలని కోరడమైనది.