అక్షర న్యూస్ : మహిళ గొప్పతనం గురించి గొప్పవాళ్లు ఎందరో ఎంతో గొప్పగా చెప్పారు. ఆ చెప్పినది అంతా మహిళ గొప్పతనానికి ఎంతమాత్రమూ న్యాయం చెయ్యలేదు,సరితూగలేదు.
గొప్పతనం గురించి ఎవ్వరూ గొప్పగా కాదుకదా తగినట్లుగా కూడా చెప్పలేదేమో?చెప్పలేరేమో?!
అమ్మ అయింది,తోబుట్టువు ఆయింది,ఆలి అయింది;
అడుగడుగునా మనతోడై నిలిచింది మహిళ.అనురాగం ఆప్యాయతల కలబోత అయిన మహిళ ఆనందానికి ఆలయం తానై వెలిసింది.
మన ఉనికికి మూలం,
మనుగడకు ఆలవాలం మహిళ.
మూగిన జీవనచీకటిలో కాంతి మహిళ. మానవ బంధాలను,
సంబంధాలను కలుపుతూ కదిలే కావ్యం మహిళ. మనల్ని కదిలించే కావ్యం మహిళ. మానవ జీవితకథకు ఇతివృత్తం మహిళ;
మానవ జీవనకథనానికి గమనం మహిళ.మానవచరిత్రకు ఆత్మ మహిళ.అత్యుదాత్తతకు ఆకృతి మహిళ. తత్త్వంపరంగానూ, వ్యక్తిత్వంపరంగానూ, ప్రవర్తనపరంగానూ మహిళ ఎంతో విశిష్టమైంది.
మహిళ ఒకదాన్ని స్వీకరిస్తుంది ఆపై దాంతో సృజన చేస్తుంది;ఆ సృజనసూత్రం విశ్వంలోనే అత్యంత అద్భుతమైంది’
అని చైనీస్ తత్త్వవేత్త, కవిజుషి వందలయేళ్లక్రితమే చెప్పారు.
సారంలేని ఈ లోకంలో
సారాన్ని ఇచ్చేది మహిళ
అని తెలుసుకునే కాబోలు శివుడు తన అర్ధశరీరాన్ని మహిళకు ఇచ్చాడు.ఈ రోజు సిద్దిపేట లో మహిళ దినోత్సవ వేడుకలు ఘనంగా జరుపుకున్నారు.
