అక్షర న్యూస్ :సోమవారం సాయంత్రం చేర్యాల పట్టణంలోని మున్సిపల్ కార్యాలయాన్ని జిల్లా కలెక్టర్ కె. హైమావతి ఆకస్మికంగా సందర్శించారు. కార్యాలయ సిబ్బంది సమయ వేళలు పాటిస్తున్నారా అని ఆరా తీశారు. బయోమెట్రిక్ అటెండెన్స్ తనిఖీ చేశారు. రోజువారీగా మున్సిపాలిటీలో జరుగుతున్న పారిశుద్ధ్య కార్యక్రమాలు, ఇంటింటి చెత్త సేకరణ, ఇందిరమ్మ గృహాలు నిర్మాణాలు, చెయ్యిత పెన్షన్ దరఖాస్తు స్వీకరణ ఇతరత్ర పనుల గూర్చి సమీక్ష జరిపారు. మున్సిపల్ కమిషనర్ నుండి కిందిస్థాయి సిబ్బంది వరకు సమయ వేళలు పాటిస్తూ, విధులు సక్రమంగా నిర్వహించాలని, కార్యాలయానికి వచ్చే అర్జీదారులకు ఎల్లప్పుడూ అందుబాటులో ఉంటూ వారి సమస్యలను పరిష్కరించాలని ఆదేశించారు.
జిల్లా పౌర సంబంధాల అధికారి కార్యాలయం సిద్దిపేట జిల్లా వారిచే జారీ చేయడమైనది.
